Бүгін 17.10.2023 күні мектебімізде қазақ тілі мен әдебиеті пәнінің мұғалімі- Есембек Эльмира 6 «А» сыныбына «Мың бір мақал, жүз бір жұмбақ» тақырыбында сайыс сабақ өткізді.

Бүгін 17.10.2023 күні мектебімізде қазақ тілі мен әдебиеті пәнінің мұғалімі- Есембек Эльмира 6 «А» сыныбына «Мың бір мақал, жүз бір жұмбақ» тақырыбында сайыс сабақ өткізді. Оқушылар би-шешендердің айтқан қанатты сөздерінің авторын табу арқылы топқа бөлінді. Сабақ барысында «футбол алаңы» әдісі арқылы оқушылар мақал-мәтелдердің жалғасын тауып, «ғажайып алаң» әдісі арқылы жұмбақтардың шешімін тапты. Сондай-ақ, тұрақты тіркестердің мағынасын ашу, сұрақтарға жауап беру сынды қызықты тапсырмалар орындалды. Сабақ соңында ұпай саны бойынша жеңіске жеткен топ мақтау қағаздарымен марапатталды.